Zer da Martugurasoak?
Nortzuk Gara?
Martugurasoak Arantzazuko Ama Ikastolako Guraso Elkartea da. Ikastolako guraso-elkartea. Gutxi gorabehera 200 guraso gara eta bai, ziur aski zu ere guraso elkarteko bazkide zara. Bazkidea IGEko kuota ordaitzen duen oro da.
Nola antolatu gara?
Honakoak dira dauden batzordeak eta lan taldeak:
Zuzendaritza batzordea
Gurasoen elkarteko zuzendaritzako betebeharrak eta erantzukizunak ditu. Gainerako batzordeetako ordezkari bakoitzak eta zuzendaritza taldeak (zuzendaria, idazkaria eta diruzainak) osatzen dute. Zuzendaritza Batzordeak hartzen ditu kudeaketaren inguruko erabakiak, horren jarraipena egiten du eta sor daitezkeen gaiak aztertzen ditu.
Batzar Nagusia
Gurasoen elkarteko organo orokorra da eta gai estrategikoei buruzko erabakiak hartzen ditu; aurrekontua, kudeaketa-plana eta ikasturteko kontuak onartzen ditu…
Guraso elkarteko bazkide garen guztiok osatzen dugu, hau da, kuota ordaintzen dugun guztiok.
Urtean bitan biltzen gara
Batzordeak
Batzorde Ekonomikoa
Gai ekonomikoez arduratzen den batzordea da. Besteak beste, aurrekontuaren eta kontu orokorren proposamena prestatzen du, gastu eta sarreren jarraipena egiten du eta zordunen gaia aztertzen du.
Kanpo ekintzen batzordea
Eskolaz kanpoko jarduerak antolatu eta kudeatzen ditu: eskola kirola, dantza, pilota jokoak, sormen tailerra, karatea, zunba… etahauen jarraipen eta balorazioa egiten ditu.
Jai batzordea
Ikasturte amaierako jaiaren antolaketa du ekintza nagusia.
Danborrada batzordea
Donostiako haurren danborradan parte hartzeko beharrezkoak diren lanez arduratzen da: udalarekin harremana, izen-ematea, entseguak, jantziak…
Proiektu batzordea
Batzorde honek hezkuntza-komunitatea eta haren ingurunea hobetzea helburu duten ekimen eta proiektu ez-iraunkor guztiak biltzen ditu. Esaterako: Patioaren eraldaketa, "Tratu On" ekimena, Oktogonoa inguratzen duen itxitura...
Komunikazioa (IKT)
Batzordeen barneko koordinazioa egiteaz eta batzordeen, Martugurasoak elkarteko gurasoen eta Ikastolaren arteko kanpo-komunikazioa errazteaz arduratzen da.
Altxa Burua!
Smartphone-en erabilerak eskolako ikasleengan dituen ondorio negatiboak minimizatzeko estrategiak bilatzeko sortutako batzorde bat.
Nola hartzen dira erabakiak?
Batzar Nagusia
Bertan hartzen dira erabaki estrategikoak eta bertan onartzen dira ikasturteko aurrekontua, kontuak eta kudeaketa plana.
Zuzendaritza batzordea
Batzorde bakoitzeko koordinatzaileak eta zuzendaritza karguek (zuzendaria, diruzaina, idazkaria) osatzen dute. Zuzendaritza Batzordean hartzen dira batzorde baten eskumenekoak ez diren erabakiak.
Praktikan, aurrekontu orokorrean edo ikasturte hasierako kudeaketa planean a priori definitu ez diren proposamen guztiak onartzen edo baztertzen dira.
Batzordeak
Independenteak dira erabakiak hartzeko eta beren jardun-eremuan araudi propioa sortzeko, baldin eta erabakietan beste batzorde batzuei eragiten ez badiete. Kasu horretan, Zuzendaritza Batzordera eraman beharko da.
Batzordean proposatutako bozketetan berdinketa badago, Zuzendaritza Batzordean bozkatu beharko da. Batzarrean berdinketa izanez gero, lehendakariaren botoak bi aldiz kontatuko du eta berdinketa desegin ahal izango du.
